د اسرائیلي رسنیو د راپورونو پر اساس، پر غزه د صهیونیستي رژیم د بریدونو پيل اسرائیلو ته ناوړه پایلې لرلې دي.
د عبراني ۱۲ چینل د راپور له مخې، د صهیونیستي رژیم اشغالګرو عسکرو اعتراف کړی، چې پر غزه د بریدونو له پيل راهیسې یې ۱۰ زره عسکر له رواني ستونزو سره مخ شوي.
د یاد چینل د راپور پر اساس، شاوخوا ۲۰ عسکر یې د خپلو ملګرو له لوري په نښه او وژل شوي دي.
یادې رسنۍ داسې مهال د صهیونیستي اشغالګرو عسکرو له رواني ماتې پرده پورته کړې، چې څو ورځې وړاندې اسرائیلو خپل عسکر د غزې په جنوب کې له ستر ښار خان یونس څخه ایستلي دي.