د ریاست الوزرا سیاسي مرستیال مولوي عبدالکبیر نن (دوشنبه، د وري ۲۷مه) په کابل کې د ایران له مرستیال سفیر سید حسن مرتضوي او مل پلاوي سره لیدنه وکړه.
په دې لیدنه کې ښاغلي مرتضوي د وروستیو نړیوالو مسایلو په اړه د اسلامي امارت د دریځ او بهرني سیاست د ستاینې تر څنګ د کابل او تهران د اړیکو په پراختیا ټینګار کړی.
نوموړي زیاته کړې، چې تهران د افغانستان او ګاونډیو هېوادونو ترمنځ د خرابو اړیکو پلوی نه دی او هڅه کوي څو د سیمې له هېوادونو سره د اسلامي امارت مثبت تعامل ته لاره هواره کړي.
د نوموړي په وینا؛ ایران هېچا ته د اسلامي امارت پر ضد د سیاسي فعالیتونو اجازه نه ورکوي.
ښاغلي مرتضوي څرکنده کړې، چې تهران د اسلامي امارت او ایران ترمنځ په بېلابېلو برخو کې د شویو تړونونو پلي کېدو ته د لارې هوارېدو سربېره، له افغانستان سره د اقتصاد، سوداکرۍ او روغتیا په برخه کې همکاریو ته چمتو دی.
د ریاست الوزرا سیاسي مرستیال مولوي عبدالکبیر د ښه راغلاست ویلو تر څنګ پر اسرائیلو دایران برید له ځان څخه د ایران اسلامي جمهوریت د دفاع مشروع حق یاد کړی.
نوموړي له افغانانو سره د ایران له مرستو او همکاریو څخه د مننې ترڅنګ، د کابل او تهران ترمنځ د اړیکو په پراختیا ټینګار کړی او ویلي یې دي، چې اسلامي امارت له ټولو ګاونډیو سره ښې اړیکي غواړي.