د کډوالو او بېرته راستنېدونکو چارو وزارت وايي، چې له پاکستان څخه د افغان کډوالو د راستنېدو دویمې څپې ته پوره چتوالي لرو.
د یاد وزارت ویاند وايي؛ اسلامي امارت د پاکستان له مرکزي حکومت څخه د راستنېدونکو ټولو کډوالو احصایه غوښتې، چې له مخې به یې دوی ته په کور د ننه خدمات وړاندې شي.
ورته مهال د چارو شنونکي بیا وايي؛ په جبر سره له پاکستان څخه د افغان ګډوالو ایستل د ټولو نړیوالو قوانینو خلاف عمل دی، چې پاکستاني چارواکي یې د سیاسي ګتو په موخه تر سره کوي.
د یادونې وړ ده، چې تېر کال په نومبر میاشت کې د پاکستان سرپرست حکومت د افغان کډوالو د بېرته ستنولو لومړی پړاو پیل کړی و، چې ویل کیږي له هغه راهیسې افغانستان ته له نیم میلیون زیات افغانان ستانه کړل شوي دي.