د اطلاعاتو او کلتور وزارت د هنر او کلتور مرستیال مولوي عتیق الله عزیزي په مشرۍ د لرغون پېژندنې کمېټې او د یاد معینت اړوند د لرغون پېژندنې او تاریخي ابداتو ریاستونو استازو په شتون کې نوبتي غونډه شوې.
د غونډې په پیل کې ګډونوالو په روزګان ولایت کې د تر لاسه شویو یو شمېر تاریخي اثارو پر تثبیت او څرنګوالي او همدا راز په کابل ښار کې د بابر بڼ، چهلستون بڼ، تېمور شاهي بڼ او یو شمېر نورو تاریخي او تفریحي بڼونو د ساتنې، همدارنګه مېله والو ته د اسانتیاو په برابرولو خبرې شوي.
ورپسې د لرغون پېژندنې رییس ذبیح الله سادات د هېواد په لودیځ کې د ټاپي پروژې د نل لیکي له تېرېدونکو سیمو څخه تر سره شوې سروې راپور مجلس ته وړاندې کړی.