د بهرنیو چارو وزارت مالي او اداري مرستیال دوکتور محمد نعیم د چین له سفیر ژاو شېنګ سره تعارفي لیدنه کړې.
په دې لیدنه کې دواړو لوریو د افغانستان او چین ترمنځ د سیاسي، اقتصادي او فرهنګي همکاریو د لا پراختیا په اړه خبرې کړې دي.
همدارنګه په یاده لیدنه کې ټینګار شوی، چې د ګاونډیو هېوادونو په توګه د افغانستان او چین ښې او مثبتې اړیکې لا باید پراخه او دوامداره شي.
دوکتور محمد نعیم د چین له لوري له افغان کډوالو سره د بشري مرستو، د شانګهای غونډو ته د افغان پلاوو بلنې او دوه اړخیزو همکاریو له دوام څخه مننه کړې ده.
د چین سفیر ویلي؛ هېواد یې له افغانستان سره د یو ګاونډي هېواد په توګه خپلو اړیکو ته ځانګړی ارزښت ورکوي او چمتو دی، چې دغه اړیکې لا پراخه او پیاوړې کړي.