د کانونو او پټرولیم وزیر ملا هدایت الله بدري د کابل ولایت د موسهي ولسوالۍ له مشرانو او ځايي مسولینو سره لیدنه کړې.
په دې لیدنه کې د موسهي ولسوالۍ مشرانو د دویم عینک د مسو کان په سیمه کې د شته ستونزو او ننګونو په اړه خپل وړاندیزونه او غوښتنې له ملا هدایت الله بدري سره شریکې کړي او د حل په برخه کې یې ورڅخه د همکارۍ غوښته کړې ده.
د کانونو او پټرولیم وزیر د یادې ولسوالۍ مشرانو ته ډاډ ورکړی، چې د کان کیندنې په برخه کې به د سیمې خلکو ته لومړیتوب ورکړل شي.
همداراز نوموړي ټینګار کړی، چې د کانونو ترڅنګ به د سیمې خلکو ته ټولنیز خدمات هم وړاندې شي.