د کډوالو او بېرته راستنېدونکو چارو وزارت وايي؛ د روان ۲۰۲۵ کال د اپریل له لومړی څخه تر ۲۲مې نېټې پورې شاوخوا ۱۰۳ زره افغان کډوال، چې راخوشي شوې افغان بندیان هم پکې شامل دي هېواد ته راستانه شوې دي.
بلخوا بیا د کار او ټولنیزو چارو وزارت وايي، د بېرته راستنېدونکو افغانانو لپاره د کاري فرصتونو برابرولو په موخه يې څه باندې ۷۸ زره بېرته راستانه شوې کادر او مسلکي افغانان ثبت او راجستر کړې دي.
ورته مهال د اقتصاد وزارت وایي، اسلامي امارت د ملي او نړیوالو بنسټونو په مرسته بېرته له راستنېدونکو افغانانو ته په بېلا بېلو برخو کې اسانتیاوې برابرې کړي دي.
د یادونې ده، چې یوه ورځ وړاندې کابل کې د پوهنې وزارت په هڅو بېرته راستانه شوېو افغانانو ته د زده کړو زمینې برابرولو په موخه د لسم او یوولسم ټولګیو جذب لپاره له ۳۳۰ تنه زده کوونکو څخه ازموینه واخیستل شوه، چې دا د ۱۴۰۴ کال لپاره د بېرته راستنېدونکو افغانانو د زده کړې د جذب اتمه دوره ده چې شاوخوا ۶۰۰ کسانو يي د ازموینې لپاره نوملیکنه کړې وه.