د امنيتي او تصفيوي چارو مرکزي کمېسیون نوبتي غونډه د کمېسیون او د کورنيو چارو وزارت د مرستیال ملا رحمت الله نجيب په مشرۍ ترسره شوه.
په غونډه کې د امنیتي او دفاعي برخو د تشکیلاتو د تنظیم ترڅنګ، پر یو شمېر نورو مهمو امنیتي موضوعاتو بحث وشو.
ګډونوالو د تشکیلاتو د تنظیم او اصلاح پر اهمیت ټینګار وکړ او د یوه منظم میکانیزم د رامنځته کولو غوښتنه یې وکړه، څو ژمن، مستحق او مسلکي کسان خپلو دندو ته دوام ورکړي.
همداراز، د تصفیې اړوند چارو په اړه غونډې ته راپورونه وړاندې شول چې د تصفیې بهیر وروستۍ مرحلې ته رسېدلی او چارې به یې په نږدې وخت کې بشپړې شي.
د غونډې په اوږدو کې ټینګار وشو، چې د ځواکونو د کمیت پرځای باید کیفیت ته جدي پاملرنه وشي.