بهرنیو چارو کې د قطر د دولت وزیر محمد بن عبدالعزيز الخليفي د بهرنيو چارو له وزير مولوي امير خان متقي سره وکتل.
په دې ناسته کې دواړو لوريو پر دوه اړخيزو اړيکو، بېلابېلو برخو کې د همکاريو په پراختيا او پر یو شمېر سيمهييزو مسايلو خبرې کړې.
په دې کتنه کې مولوي امیرخان متقي له قطر سره د افغانستان اړيکې مثبتې وبللې او هيله يې څرګنده کړه، چې دواړه هېوادونه نږدې راتلونکي کې د ډيپلوماتيکو اړيکو کچه لوړه کړي.
د بهرنیو چارو وزیر دغه راز په پراختيايي او بشري برخو کې افغانستان سره د قطر مرستې هم ارزښتناکې بللې.
ورته مهال محمد بن عبدالعزيز الخليفي په کلتوري، روغتيايي، سپورتي او د کاريګرو لېږد برخو کې افغانستان سره مرستو ته چمتووالي ښودلې او ټينګار يې کړې، چې د چارو د ښه تعقيب په موخه دې د دواړو هېوادونو د بهرنيو چارو وزارتونو ترمنځ د منظمو تماسونو ميکانيزم رامنځ ته شي.
د دې کتنې په پای کې دواړو لوریو د قطر او افغانستان ادارو ترمنځ پر نږدې همکارۍ او لیدو کتو هوکړه کړې ده.