ژوندۍ
ژوندۍ
spot_img

وروستی خبرونه

محمد سهیل شاهین: په ملګرو ملتونو سازمان کې د اسلامي امارت د استازي شتون یوه اړتیا ده

قطر کې د اسلامي امارت سفیر محمد سهیل شاهین وايي، چې په ملګرو ملتونو سازمان کې اسلامي امارت ته د افغانستان د استازولۍ سپارلو په تړاو خبرې اترې او مشورې یو ښه اقدام دی.

ښاغلي شاهین ټینګار کړی، چې په ملګرو ملتونو سازمان کې د اسلامي امارت د استازي شتون یوه اړتیا او د افغانستان اسلامي امارت د حکومت حق دی.

نوموړي په ملګرو ملتونو سازمان کې د استازي شتون یوه اړتیا ګڼلې او زیاته کړې یې ده، چې په دې سازمان کې د استازي په شتون سره د بېلابېلو مسائلو د حل لپاره هڅې کېدای شي.

محمد سهیل شاهین د ډېری ستونزو لامل په ملګرو ملتونو سازمان کې د افغانستان د استازي نه‌شتون بللی او ټینګار یې کړی، چې د مخنیوي لپاره یې باید د افغانستان د استازولۍ څوکۍ اسلامي امارت ته وسپارل شي.