د ترانسپورټ او هوايي چلند وزیر ملا حميدالله اخوندزاده د افغانستان لپاره د متحده عربي اماراتو له ځانګړي استازي سیف محمد الکتبي سره لیدنه کړې.
په دې لیدنه کې دواړو لوریو د ترانسپورټ او هوايي چلند په برخه کې د خصوصي سکتور د پانګونې او دې سکتور ته د پانګې جلبولو په اړه تفصیلي خبرې کړې دي.
د متحده عربي اماراتو ځانګړي استازي د افغانستان له یادو برخو سره د هر اړخیزې همکارۍ ډاډ څرګند کړی.
همداراز د ترانسپورټ او هوايي چلند وزارت له خوا هم د همکاریو د پراخېدو او ډاډ ورکړل شوی، چې افغانستان اوس له پخوا زیات د پانګوالو لپاره چمتو چاپېریال لري.
دواړو لوریو دا لیدنه ګټوره او اغېزمنه بللی او همکاریو پر پیاوړتیا ټینګار شوی.