د شهیدانو او معلولینو چارو وزارت ویاند مفتي فیصل خاموش وایي، چې له تېر کال راهیسې یې له ۸۲ موسسو او خیریه بنسټونو سره هوکړهلیکونه لاسلیک کړي.
نوموړی زیاتوي، چې د دې هوکړو له مخې، نږدې له ۱۳۰ زره کورنیو سره د ۲۶ میلیونه ډالرو په ارزښت بېلابېلې مرستې شوې دي.
د ښاغلي خاموش په وینا، دا مرستې اوس هم په یو شمېر ولایتونو کې د معلولینو، کونډو او یتیمانو د ستونزو د حل په موخه وېشل کېږي.
په هېواد کې معلولین له یادو مرستو خوښ دي او له شهیدانو او معلولینو چارو وزارت او له داخلي او بهرنیو خیریه بنسټونو څخه د بشري مرستو د لا زیاتوالي غوښتنه کوي.