د امنيتي او تصفیوي چارو د مرکزي کمېسيون نوبتي غونډه د ياد کمېسيون مسول او د ملي دفاع وزیر مولوي محمد یعقوب مجاهد په مشرۍ د اکثره غړو په ګډون شوې.
په دې غونډه کې، د هېواد په عمومي امنيتي وضعيت او پر شته امنیتي پرمختګونو خبرې شوې دي.
همداراز، په دې غونډه کې د ولایتونو له لوري استول شوي وړاندیزونه او راپورونه مطرح شوي، د تشکیلونو د اصلاح پر اړتیا ټینګار شوی او په دې اړه اړینې لارښوونې ورکړل شوې دي.
د ملي دفاع وزیر مولوي محمد یعقوب مجاهد په دې غونډه کې ویلي، چې د نظام ثبات او د ولس د امنیت ساتنه، د ټولو مسولینو شرعي او ملي وجیبه ده.
ښاغلي مجاهد ټینګار کړی، چې مسولین باید په اخلاص او تدبیر خپلې دندې تر سره کړي.