د چاپېریال ساتنې ملي اداره وایي، چې مولوي مطیعالحق خالص په مشرۍ د اسلامي امارت پلاوي په روسیه کې د اذربایجان د ایکولوژۍ او طبیعي سرچینو له وزیر مختار بابایف سره دوه اړخیزه ناسته وکړه.
په دې ناسته کې مولوی مطیعالحق خالص د (کاپ ۲۹) کنفرانس کې د اذربایجان له لوري افغانستان ته د بلنې او ګډون ورکولو له کبله مننه کړې او د برازیل په کوربتوب یې د کاپ (۳۰) راتلونکي کنفرانس او نورو نړیوالو غونډو کې د اسلامي امارت ګډون ته د زمېنې برابرولو، د دواړو هېوادونو ترمنځ په چاپیریالي برخه کې د همکارۍ هوکړه ليکونو د لاسلیک او د ظرفیت لوړونې پروګرامونو برخه کې د لا زیاتې همکارۍ غوښتنه کړې ده.
ورته مهال ښاغلي بابایف د نوسکي په یوولسم نړیوال کانګرس کې د افغان پلاوي د ګډون هرکلی کړی، دا یې یو مثبت ګام بللی او په اړونده برخو کې یې هم د همکارۍ ډاډ ورکړی دی.