د امریکا ولسمشر ډونالډ ټرمپ د روسیې له ولسمشر ولادیمیر پوتین سره د منځني ختیځ د وروستي کړکېچ په تړاو ټلیفوني خبرې کړې دي.
ټاس خبري اژانس د روسیې د ولسمشر سلاکار یوري اوشاکوف له قوله ویلي، چې مسکو د ایران او امریکا ترمنځ د هوکړې په لټه کې و او چمتو دی، چې د ایران او اسرائیلو ترمنځ هم منځګړیتوب وکړي.
د روسيې ولسمشر د روان زېږدېز کال د جون میاشتې پر ۲۲مه نېټه له اوکراین سره د خبرو بیا پیل ته هم چمتووالی ښودلی.
ډونالډ ټرمپ د منځني ختیځ وضعیت ډیر زیات اندېښمنوونکی بللی دی.
د یادونې وړ ده، چې واک ته د ټرامپ له رسېدو وروسته دا د روسیې او امریکا د ولسمشرانو ترمنځ پینځمه ټلیفوني اړیکه ده.