ملا عبدالغنی برادر آخوند، معاون اقتصادی ریاست الوزراء در سفر به ولایت بغلان، از پروسه بازسازی فابریکه نساجی افغان پلخمری دیدار نموده، همچنان آقای عبدالغنی برادر را مسوولان ریاست عمومی شرکت‌های دولتی وزارت مالیه و مسوولان محلی آن ولایت، نیز همراهی می‌نمودند.
ملا برادر آخوند، ضمن ابراز خرسندی از پیشرفت در ترمیمات ماشین‌ری دستگاه نساجی افغان پلخمری، همچنان پیرامون تکمیل پروسه بازسازی آن دستگاه به مسوولان آن فابریکه هدایت لازم نموده، و به آنان وعده هرگونه همکاری نمود.
رهبری فابریکه نساجی افغان پلخمری، ضمن خوش آمدیدگوی به معاون اقتصادی ریاست الوزرا وهیأت همرای شان تعهد نمودند تا جهت فعال ساختن و پیشرفت در امور فابریکه نساجی افغان پلخمری از هیچ نوع سعی و تلاش دریغ نه‌ورزند.
قابل ذکر است که فعالیت‌های فابریکه نساجی افغان پلخمری بعد از حاکمیت دوباره امارت اسلامی به اثر سعی و تلاش رهبری وزارت مالیه و ریاست عمومی شرکت‌های دولتی از سر گرفته شد، که در حال حاضر انواع تیکه‌های را تولید می‌کند و برای ۳۵۰ تن نیز زمینه کاری را فراهم ساخته است.
معاون اقتصادی ریاست الوزراء از فابریکه نساجی افغان پلخمری دیدار کرد
