د زړه حمله هغه وخت منځ ته راځي کله چې زړه ته وینه او اکسيجن رسوونکي رګونه يو دم بند شي.
د زړه د حملې نښې نښانې:
د سينې په منځ کې سخت درد لکه سينه چې تر زور او فشار یا یوه درانه وزن لاندې وي. ډيری وخت دغه درد ژامې، اوږو، لاسونو او ګوتو ته هم خپريږي.
د مخ د رنګ الوتل يا خړ کېدل لکه څوک چې و ډار شي
خولې، د زړه بدوالی، استفراق یا کانګې
د سا ډوبي یا نفس تنګي احساس
چټک، کمزوری او غير منظم نبض
که تاسو ته پورته اعراض پيدا شي کوښښ وکړئ چې په ځمکه کېنئ، دېوال ته تکيه ووهئ او حرکت و نه کړئ.
که امبولانس ته لاسرسی لرئ زنګ ورته و وهئ او که يې نه لرئ نو له بل چا هيله وکړئ چې په موټر کې مو تر روغتونه په بېړه ورسوي.
روغتون ته پر لارې د اسپرين ۳۰۰ ملي ګرامه ګولۍ لومړی وژدويئ او بيا يي وخورئ.
ډاکټر امان شمس
