قطر کې د ۲۰۲۲ میلادي کال د فوټبال نړیوال جام سیالیو په لړ کې د ارجنټاین ملي لوبډلې پولنډ ته ماتې ورکړه او د دې سیالیو دویم پړاو ته یې لاره پیدا کړه.
د یاد جام په بله لوبه کې د مکسیکو ټیم د سعودي عربستان لوبډلې ته دوه یې پر صفر ماتې ورکړه او څلورو نومرې یې خپلې کړې.
د دې تر څنګ پولینډ په درېیو لوبو کې دوه ګلونه خوړلي او دوه یې وهلي او د مکسیکو لوبډلې بیا درې ګلونه خوړلي او دوه وهلي، چې له امله یې پولینډ دویم پړاو ته لاره پیدا کړه او مکسیکو لوبډله حذف شوه.
د فوټبال ۲۰۲۲ نړیوال جام لوبې د نومبر میاشتې په ۲۰ مه نېټه د قطر په پلازمینه دوحه کې پیل شوې او د ډسمبر تر ۱۸ به دوام وکړي.
په دې نړیوال جام کې ټولټال ۳۲ لوبډلو ګډون کړی، چې یو له بل سره به ۶۴ لوبې ترسره کوي.