د بهرنیو چارو وزارت سیاسي مرستیال شیر محمد عباس ستانکزي وویل؛ تر هر بل وخت اوس په افغانستان کې پانګونې ته ډېره زمینه برابره ده او په خبره یې افغان پانګوال دې د نورو هېوادونو په ځای خپل وطن کې پانګونه وکړي.
نوموړي زیاته کړه؛ هغه پانګوال چې نورو هېوادونو کې پانګونه کوي او خپل وطن او خلک یې هېر کړي له خپل هېواد سره ستره جفا کوي.
نوموړي د نوي کابل ښار د لا ابادۍ او د ریل پټلۍ تېرولو برخه کې د همکارۍ ډاډ ورکړی، چې ګڼ شمېر پانګوال به وهڅوي.
په ورته وخت کې د کرنې، اوبو لګولو او مالدارۍ وزارت مرستیال مولوي صدر اعظم حقاني وویل؛ د کرنې وزارت ژمن دی چې د نوي کابل ښار په زرغونتیا او لا ښکلا کې همکاري وکړي.
ورپسې د اوبو او انرژۍ وزارت ارشد سلاکار فاروق اعظم وویل، نوي کابل ښار ته د بنجشېر د اوبو په رالېږد کې یې هڅې پیل کړي چې مثبته پایله یې ورکړي او ډېر ژر به دغه چاره سرته ورسوي.
په یادو مراسمو کې د کور او ښار جوړولو وزیر شیخ حمدالله نعماني وویل؛ د نوي کابل ښار د پروژې پلان په تېر حکومت کې جوړ شوی و، چې د اداري فساد، د حقوقي او قانوني او ځینې نورو ستونزو له امله د یادې پروژې چارې په ټپه ولاړې وې.
نوموړي زیاته کړه، د کور او ښار جوړولو وزارت د متخصصینو او رهبرۍ او دغه راز د اسلامي امارت د رهبري په ملاتړ برلاسي شوو، چې د دې لویې او ملي پروژې ټولې قانوني او حقوقي ستونزې حل او دا دی نن یې د دویمې سترې پرانستې شاهدان یوو.
ښاغلي نعماني وویل؛ د دې سترې ملي پروژې د چارو د پیل سره به په افغانستان کې په اقتصادي، ټولنیز، تخنیکي او فرهنګي برخو کې لوی بدلون رامنځته شي، منظمه ښاري وده او پراختیا به پیدا شي، د کار کولو زمینه به برابره شي او خلکو ته به معیاري او مناسب کورونه په لاس ورشي.
د کور او ښار جوړولو وزیر په وینا؛ د کور او ښار جوړولو وزارت به د هوسا، پر ځان بسیا او پرمختللي افغانستان لپاره کار وکړي او تمه یې وښوده چې په نږدې راتلونکي کې به ځینې نور ودانیز شرکتونه هم په نوي کابل ښار کې چارې پیل کړي.
د دې پروژې د پرانستې په مراسمو کې د افغانستان اسلامي امارت نورو لوړو پوړو چارواکو هم ګټورې او ارزښتناکې وینا وکړې او له کورنیو او بهرنیو پانګوالو یې وغوښتل چې په دې پروژه کې پانګونه وکړي او پانګوالو ته یي په ټول هېواد کې د هر ډول امنیت ډاډ ورکړ.
د خصوصي سکتور استازو د افغانستان اسلامي امارت او په ځانګړې توګه د کور اوښار جوړولو وزارت له رهبرۍ مننه وکړه، چې د پانګوالو، سوداګرو او صنعت کارانو لپاره یې زمینه برابره کړې، اسانتیاوې یې ورته رامنځتنه کړي او بشپړ ډاد یې ورکړی دی.
دوی زیاته کړې، نور پانګوال به هم وهڅوي چې راشي او افغانستان کې پانګونه وکړي.
د غونډې په وروستۍ برخه کې د کور او ښار جوړولو وزیر شیخ حمدالله نعماني او د طلایي ښارګوټي شرکت ترمنځ د نوي کابل ښار لومړي فاز په ۲.۶ برخه کې د پلان او نقشې مطابق د عملي چارو د پیل اجازه لیک لاسلیک شو او د بنست ډبرې اېښودو په ترڅ کې یې عملا چارې پیل شوې.
د ټولګټو وزارت د اوسپنیزې کرښې مرستيال مولوي محمد اسحاق صاحبزاده او مل پلاوي بلخ ولایت ته د سفر په ترڅ کې د حيرتان بندر اړوند له ريلي تمځايونو اود ياد بندر د ترميماتي چارو د کار له جريان څخه ليدنه او ارزونه وکړه.
مولوي محمد اسحاق صاحبزاده د حيرتان بندر اړوند له نايب اباد، مزارشریف او پینځم پورټ ريلي تمځايونو او د تخليې او بارګيرۍ پروسې د فعاليتونو د ارزونې ترڅنګ ځايي مسولينو ته د تخليې او بارګيرۍ د پروسې، د اسنادو د طی مراحلو د سرعت او انتقالاتو د زياتوالي په تړاو لازمې لارښوونې کړي، ترڅو د دغه مسير له لارې د انتقالاتو د ظرفيت کچه لوړه شي.
نوموړي د حيرتان بندر اړوند د ترميماتي چارو بشپړېدو ته د نږدې کېدو په تړاو خوښي وښوده او ډاډ يې څرګند کړ، چې په نږدې راتلونکې کې به د ياد تمځای ترميماتي چارې بشپړې او ګټې اخيستنې ته به وسپارل شي او په بشپړېدو سره به د حيرتان بندر له لارې سوداګریز انتقالات تر پینځم پورټ پورې، چې د مزارشریف هوايي ډګر ته څېرمه واقع دی؛ راورسيږي.
دامهال د سوداګريزو ريلي انتقالاتو لوړه کچه د حيرتان اوسپنيزې کرښې له لارې ترسره کيږي، چې صادرات، واردات او ټرانزيټ پکې شامل دي.
ملا عبدالغني برادر اخوند په دې موخه جوړې شوې غونډې ته ویلي؛ د پاشدان بند د هرات ولایت لپاره یوه مهمه او حیاتي پروژه ده او اسلامي امارت یې په ټول توان بشپړولو ته ژمن دی او هڅه کوي چې ټولې چارې یې په عمل کې بشپړې کړي.
اوس مهال د دغه بند چارې بشپړېدو ته نږدې دي او د اوبو زیرمه کول یې پیل شوي دي.
دغه بند به شاوخوا ۵۴ میلیون متر مکعب اوبه ذخیره، ۱۳ زره هکټاره ځمکه به خړوبه او دوه میګاواټه برېشنا به هم تولید کړي، چې دا مهال یې سلګونو او له ګټې اخیستنې وروسته به زرګونو کسانو ته د دایمي کار زمینه هم برابره کړي.
د یادونې وړ ده، چې څه موده وړاندې په زابل ولایت کې د عمري بند ګټې اخیستنې ته وسپارل شو او په نږدې راتلونکي کې به په کابل ولایت کې د شاه و عروس بند هم ګټې اخیستنې ته وسپارل شي.
د رياست الوزرا د اقتصادي معاونيت د هدايت پر اساس د ټولګټو وزارت د اوسپنيزې کرښې مرستيال مولوي محمد اسحاق صاحبزاده تر سرپرستۍ لاندې مل پلاوي د حيرتان بندر د تخليې او بارګيرۍ د تسريع په تړاو له سوګدیانا ترانس شرکت له مسولینو سره لیدنه کړې.
ياده ليدنه چې په حيرتان بندر کې ترسره شوې، د دې بندر څخه د ريلي واګونو د تراکم موضوع د حل کېدو، د اوسپنيزو کرښو د فعاله ساتلو، د سټيشنونو د پوره ظرفيت په کار اچولو او د تخليې او بارګيرۍ چارو د چټکتيا په تړاو مفصل بحثونه شوي او اړین تصميمونه نيول شوي دي.
د يادونې وړ ده، چې د ټولګټو وزارت د اوسپنيزې کرښې مرستيال او مل پلاوي د ياد شرکت د مسولينو سره په ګډه د دغه سفر په جريان کې د حيرتان بندر اړوند له اوسپنیزې کرښې، سټيشنونو او ريلي تاسيساتو څخه هم ليدنه او ارزونه کړې ده.
سوګدیانا ترانس ازبکستانۍ شرکت دی، چې له تېرو څو کلونو راهيسې د شوي تړون له مخې، د حيرتان بندر له لارې د سوداګريزو توکو د انتقالاتي چارو مسوليت پر غاړه لري.
د ریاست الوزرا سیاسي مرستیال زیاته کړې، چې اسلامي امارت له نشهيي توکو او مسکراتو سره د دوامداره او اغېزمنې مبارزې په موخه عالي کمېسیون جوړ کړی او په خپلو ټولو ژمنو عمل کوي.
دغهراز اسلامي امارت له تېرې ادارې د ورپاتې روږدو کسانو د درملنې سربېره هغوی ته د کار فرصتونه ایجادوي او حرفوي زده کړې ورکوي، تر څو له ټولنې سره تر یو ځای کېدو وروسته د کار و کسب خاوندان وي.
د رياست الوزرا سياسي مرستيال له افغان کډوالو سره د اروپايي ټولنې په ګډون د مرستندویه بنسټونو همکارۍ او مرستې مهمې بللې او ویلي یې دي، چې ګاونډي او نور هېوادونه دې په جبري ډول د افغانانو ایستل بند کړي.
