د سالنګ لویې لارې د کانکریټ اچونې چارې بشپړې شوې او په نږدې راتلونکي کې به د تګ راتګ پر مخ پرانیستل شي.
د یادې لویې لارې د بیارغونې پروژې انجنیران وايي، چې کار یې په اساسي او نړیوال سټنډرډ ترسره کړی او ډېر وخت به دوام وکړي.
مسولین وایي، چې دا لویه لاره به د تخنیکي ټیم له ارزونې وروسته یو ځل بیا پرانیستل شي.
سالنک لویه لاره د ټرانزیتي او اقتصادي ارزښت له مخې د اسلامي امارت د چارواکو تر جدي څار لاندې ده.
دغهراز د اسلامي امارت ګڼو لوړ پوړو چارواکو د دې لارې د چارو له بهیر لیدنه کړې او پر چټکتیا او زر پرانیستلو یې ټینګار کړی دی.
موټر چلونکي او مسافر د سالنګ لویې لارې په بیارغونه خوښ دي او د ژر پرانیستلو غوښتنه یې کوي.
د دې تر څنګ هېوادوال د هېواد په بیارغونه او اقتصادي پرمختګ کې د اسلامي امارت نهستړې کېدونکې هلې ځلې ستايي.