د ټولګټو وزارت سرپرست وزیر ملا محمد عیسی ثاني د یاد وزارت یو شمېر رییسانو او انجنیرانو په ملتیا د راتلونکي کال په کاري پلان کې د کابل – کندهار لویې لارې د پاتې برخو د کار شمالیدو په موخه له یادې لویې لارې څخه لیدنه کړې.
ټولګټو وزارت د یادې لویې لارې د بیارغونې کار تیر کال په اووه لاټونو کې پیل کړی و، چې دا مهال یې د یادو اووه لاټونو څخه د ځینو برخو کار بشپړ شوی دی.
د یاد وزارت سرپرست وزیر تخنیکي ټیمونو او انجینیرانو ته لارښونه وکړې، چې د پاتې برخو کار دې په نورو بېلابېلو کوچنیو لاټونو و وېشي، ترڅو د نورو شرکتونو سره د داوطلبۍ له لارې قرارداد شي او په راتلونکي کال کې یې کار بیا پیل شي.
همدارنګه ملا محمد عیسی ثاني په دغه سفر کې د کابل – کندهار لویې لارې اړوند په دامان ولسوالۍ کې د یو محراب مسجد له رغنیزو چارو څخه لیدنه وکړې او اړوندو مسولینو ته یې د کار د چټکتیا او غوره کیفیت په اړه لازمې لارښونې کړي.
د ټولګټو وزارت د سرپرست وزیر په لارښوونه د یاد وزارت تخنیکي ټیمونو د کندهار – ارزګان لویې لارې له کاري بهیر څخه د لیدنې ترڅنګه د کندهار ولایت د حلقوي سړک له ټاکل کیدو څخه هم لیدنه وکړې.
د کابل – کندهار لويې لارې د پاتې برخو د بیارغونې کار په بېلابېلو نورو برخو وېشل کیږي
