ټولې ادارې مکلفې دي چې د خپلو پروژو قراردادونه د ملي تدارکاتو ادارې له لارې د کمیسیون له منظوري وروسته لاسلیک کړي.
ملي تدارکاتو کمېسیون د ریاست الوزرا د اقتصادي مرستیال او د ملي تدارکاتو کمیسیون رییس ملا عبدالغني برادر په مشري لومړۍ غونډه ترسره کړه.
په دې غونډې کې د مالیې وزارت، عامې روغتیا وزارت، کابل ښاروالۍ او برېښنا شرکت له لوري د ملي تدارکاتو ادارې ته له وړاندې شویو ۱۳ قراردادونو یې اووه د کمیسیون له لوري منظور شول.
په یادو قراردادونو کې د توکو پېرل او د خدماتو او بیارغونې پروژې شاملې دي.
دغه راز په یاده غونډه کې پرېکړه وشوه، چې له دې وروسته هېڅ اداره د ملي تدارکاتو کمیسیون له منظوري پرته خپلې پروژې په قرارداد نشي ورکولای.
ټولې ادارې مکلفې دي چې د خپلو پروژو قراردادونه د ملي تدارکاتو ادارې له لارې د کمیسیون له منظوري وروسته لاسلیک کړي.