د روسیې ولسمشر ولادمیرپوتین هغو هېوادونو ته د تېلو او خامو نفتو پر صادراتو دبندیز فرمان لاسلیک کړی، چې د روسیې د تېلو لپاره یې د بیې کچه ټاکلې وه.
پوتین دغه فرمان وروسته له هغې لاسلیک کړ، چې اروپا ټولنې د جي ۷ صنعتي هېوادونو ډلې او استرالیا د روسیې د هرې بشکې نفتو لپاره ۶۰ ډالره بیه وټاکله.
پوتین ویلي؛ دغه فرمان به د راتلونکي کال د فبروري میاشتې له لومړۍ نېټې پیل او پینځه میاشتې به دوام وکړي. وروسته له هغې چې روسیې پر اوکراین برید وکړ، امریکا او ګڼو اروپایي هېوادونو د روسیې د نفتو په ګډون د دې هېواد په ګڼو برخو بندیزونه وضع کړل.