د افغانستان د اوسپنې پټلۍ اداره وايي، چې تېره ورځ ازبکستان کې د دې هېواد اوسپنې پټلۍ مسؤلینو او افغان پلاوي ترمنځ د بریالیو مذاکراتو په پایله کې د حیرتان-مزارشریف اوسپنې پټلۍ د مسولیتونو د لېږد اړوند هوکړه وشوه.
د دې هوکړې پر بنسټ به د حیرتان-مزارشریف اوسپنې پټلۍ مسولیتونه چې له شاوخوا ١١ کالو راهیسې د سوګډیانا ټرانس ازبکستاني کمپنۍ له لوري ترسره کېدل، د یوه منظم مهالوېش له مخې د افغانستان اوسپنې پټلۍ ادارې ته لېږدول کیږي، چې پر اساس به یې د سوداګریزو توکو د لېږد بهیر په عادي توګه روان وي.
د یادولو وړ ده چې د افغانستان اوسپنې پټلۍ اداره د دې پروژې د ټولو چارو پرمخ وړلو ته پوره چمتوالی لري او د مسؤلیتونو په خپلولو سره به هڅه وکړي سوداګرو ته لا ډیرې اسانتیاوې برابرې کړي.