د روسیې بهرنیو چارو وزارت د اوکراین له لوري د جګړې پای ته رسولو او د سولې اړوند غونډې ترسره کولو هڅې رد کړې.
د روسې د بهرنیو چارو وزارت ویاندې ماریا زخاروا ویلي، چې دغه اقدام د امریکا د وړاندې شوې تبلیغاتي طرحې یوه برخه ده.
ماریا زخاروا د اوکراین له لوري د سولې غونډه جوړول ناوړه اقدام بللی او زیاته کړې یې ده، چې مسکو به دغه اقدام د امریکا د تبلیغاتي طرحې په چوکاټ کې وارزوي.
مسکو دغه څرګندونې داسې مهال کړې، چې روسي ځواکونو په خپلو وروستیو بریدونو کې د اوکراین د پلازمېنې او څو نورو ښارونو د برېښنا بنسټونه په نښه کړي دي.