د اروپا فوټبال ټولنې ویلي، چې د روانې اونۍ په پای کې به کرېستیانو رونالډو ته د غوره ګولوهونکي ځانګړې جایزه ورکړل شي.
رونالډو په اروپا اتلانو لیګ کې ښه ځلېدلی، چې په هر ځل ګډون سره یې د غوره ګولوهونکي جایزه ترلاسه کړې ده.
همدا راز رونالډو د یاد لیګ په ۱۸۳ سیالیو کې تر ټولو زیات ۱۴۰ ګولونه وهلي او د دې لیګ په یو پړاو کې یې تر بل هر لوبغاړي زیات ۱۷ ګولونه ترسره کړي دي.
د دې سربېره کرېسټیانو رونالډو د دې لیګ په اووه بېلابېلو پړاونو کې د سرو زرو بوټان ګټلي دي.