د احصايې او معلوماتو ملي اداره وايي؛ د دې ادارې د نفوسو د احوال ثبتولو خدمتونو ریاست د روان کال په زمري میاشت کې یوازې په کابل ښار کې ۱۸زره او ۶۲۴کسانو ته زېږون کارتونه وېشلي دي.
یاده اداره زیاتوي؛ بل خوا یاد ریاست په کابل ښار کې تېره میاشت شپږ زره او ۴۲ هېوادوالو ته د نوې او مثنی تذکرې د وېش اوکاغذي پیژندپاڼو دلغوه کولو، ۱۸ زره او ۱۳۰ تنو ته د کاغذي پیژندپاڼو د تایید خدمتونه او ۲ زره او ۶۱۵ نورو کسانو ته د پیژندپاڼو اړوند غیرحضوري خدمتونه وړاندې کړي دي.
د دې ادارې د معلوماتو له مخې؛ د نفوسو د احوال ثبتولو خدمتونو ریاست په اسد میاشت کې ۱۲زره کسانو ته په کاغذي پیژندپاڼو کې د اصلاحاتو د راوستو خدمتونه وړاندې کړي او د دې ترڅنګ د یاد ریاست له لارې ۳۷۳ نورو کسانو ته د مړینې پارچې هم وېشل شوي دي.
د يادولو ده، چې د احصايې او معلوماتو ملي ادارې د نفوسو د احوال ثبتولو خدمتونو رياست په حضوري او غيرحضوري ډول د کاغذي پیژندپاڼو، زېږون کارتونو او د مړينې پارچو د وېش؛ د هېواد د هوايي ډګرونو او ځمکنيو رسمي بندرونو له لارې د بهرنيو وګړو د تګ او راتګ د ثبت مسوليتونه پر غاړه لري او په يادو برخو کې هېوادوالو ته د چټکو او رڼو خدمتونو وړاندې کولو ته ژمن دی.