دفاع وزارت وايي؛ د وسله وال پوځ لوی درستیز د شهید سردار محمد داود خان روغتون د ادارې په علمي سیمینار کې ګډون وکړ.
دغه سمينار چې د ادارې علمي سیمینار(Teaching hospital management) تر عنوان لاندې د وزیر محمد اکبر خان صالون کې د وسله وال پوځ لوی درستیز قاري محمد فصیح الدین فطرت په مشری چې يو شمېر مسولینو پکې ګډون کړی وو پيل شو.
په پیل کې د طبي علومو اکاډمۍ مسولينو د بېلا بېلو څانګو د لاسته راوړنو په اړه راغلو مسولینو ته هر اړخیز معلومات وړاندې کړل او ويي ویل، زمونږ کاري پرسونل د سیمې د هیوادونو په کچه ګڼ شمېر مغلق او پېچلي عملیاتونه ترسره کړي او همدارنګه د نظامي طب پوهنځۍ علمي ښوونیز پروګرامونه وړاندې کړي او د ياد روغتون ټولې څانګې مو په معياري ډول برابرې کړې دي.
ورپسې د وسله وال پوځ لوی درستیز قاري محمد فصیح الدین فطرت د خپلې وینا پر مهال وویل؛ په ټول هېواد اسلامي نظام حاکم دی، اشغال پای ته رسیدلی دی، د خپل هېواد د خلکو د هوساینې لپاره مو خپل دیني او ملي مسولیت ادا کړی او د روغتیایي خدمتونو د اجرا کړی.
نوموړي د یادو لاسته راوړنو څخه د خوښۍ په څرګندولو سره يي زیاته کړه، دلته د مسولیت احساس شوی دی.
دغه راز د وسله پوځ لوی درستیز او مل پلاوي له لوري په داسې حال کې چې د روغتیایي چارو قومندان یې ملتیا کوله د اکسیجن د هوا د رسولو مرکز او د وزیر محمد اکبر خان صالون پرانیسته وکړه، او د العمر مصنوعي غړو د جوړولو مرکز له بېلابېلو برخو څخه یې هم لیدنه وکړه.