د ټولګټو وزارت وايي؛ د دې وزارت د اوسپنيزې کرښې مرستيال ملا بخت الرحمن شرافت ترکمنستان هېواد ته د افغانستان د ګډ اقتصادي پلاوي د سفر په ترڅ کې د ترکمنستان د اوسپنې پټلۍ ادارې سره د تورغونډۍ بندر د پراختيا او له تورغونډۍ څخه د هرات په لور تر صنوبر پورې د ۲۲ کیلومټره کرښې د جوړولو تړونونه لاسلیک کړل.
یاد وزارت زیاته کړې؛ په پام کې ده، چې ډېر ژر به د دواړو پروژو عملي چاري د ترکمنستان هېواد لخوا څخه پیل شي.
تورغونډۍ بندر چې د منځنۍ اسیا او سویلي اسیا د وصل نقطه بلل کیږي، چې په رغولو سره به یې سوداګرو ته لا زیاتي اسانتیاوې رامنځ ته شي او د اموالو د لېږد را لېږد پروسه به ورسره ګړندۍ شي.