د اطلاعاتو او کلتور وزارت وايي؛ د ګرځندوی، مالي او اداري چارو مرستیال مولوي قدرت الله جمال په خپل کاري دفتر کې د (TLO) موسسې له مسولینو سره د دوی د فعاليتونو او پراختيايي پروژو په اړه لیدنه کړې.
د ليدنې په ترڅ کې د (TLO)موسسې مسولینو د ګرځندوی، مالي او اداري چارو مرستیال سره په افغانستان کې د يادې موسسې د فعاليتونو په اړه هر اړخیز معلومات شریک کړي دي.
مولوي قدرت الله جمال په افغانستان کې د (TLO) موسسې کړنې ستایلي او افغانستان کې يې د پراختيايي پروژو او د ګرځندوی برخې په ودې ټينګار کړی دی.
نوموړي ویلي؛ افغانستان د ګرځندوی په برخه کې دولت او ملت ته د عوايدو ښې سرچينې لري، چې په دوامداره هڅو سره کولی شو ورڅخه عوايد ترلاسه کړو.
ناسته کې دواړو لوريو په دوه اړخيزو همکاريو ټینګار کړی.