د شمل خرم سیندیزې فرعي حوزې رییس مولوي عبدالقیوم ثابت د یاد ریاست تخنیکي ټيم په ملتیا او د ګڼ شمېر مشرانو او ځایي اوسېدونکو په شتون کې د خوست ولایت اسمعیل خېلو او مندوزیو ولسوالي اړوند د ارخېلو سیمې کانال د جوړولو چارو پرانیسته وکړه.
مولوي عبدالقیوم ثابت د یادې پروژې د پرانیست غونډې پرمهال ګډون والو ته ویلي؛ د اسلامي امارت په واکمنېدو سره د بیارغونې کارونه په چټکي سره روان دي او د هېواد په بېلا بېلو برخو کې لویې او کوچنۍ د پروژې پلي کېږي.
د یادونې وړ ده، چې د یاد کانال د رغولو چارې د اف، اې، او موسسې لخوا د یو کورني خصوصي شرکت له لوري د شمل خرم سیندیزې فرعي حوزې تر څارنې لاندې د ۹۳ زره او ۸۱۴ امریکایي ډالرو په لګښت پیل شوې.
یاد کانال د یو زر او ۲۰۶ متره اوږدوالي په درلودلو سره ۷۳۰ کورنیو ته د څښلو اوبو رسولو او ۱۲۲ هکتاره ځمکې د خړوبولو ظرفیت لري، چې د رغولو چارې به یې د شپږ میاشتو په موده کې بشپړې شي.