د بغلان ولایت د بدني روزنې او ورزش امریت اړوند د کورش ملي فدراسیون د استازولۍ له لوري په پلخمري ښار کې له مرکز او ولسوالیو د ۱۳۰ ورزشکارانو ترمنځ د کورش اووم پړاو ټاکنیزې سیالۍ ترسره شوې.
د دغو سیالیو په پایله کې مصلح کلب ورزشکارانو لومړی، افضلي کلب ورزشکارانو دویم او د دهنه کلب ورزشکارانو درېیم مقام ترلاسه کړ؛ همدارنګه د ۱۳۰ ورزشکارانو له ډلې اووه ورزشکاران د بغلان ولایت کورش منتخبې لوبډلې ته وټاکل شول.
د یادو سیالیو موخه د بغلان ولایت منتخبې لوبډلې ته د غوره لوبغاړو موندل و.
د سیالیو په پای کې د بغلان ولایت ورزشي امریت له لوري غوره ورزشکاران وستایل شول.