د فلسطین پوهنې وزارت وايي، چې پر غزه تړانګه د اسرائیلي یرغلګرو د بریدونو له پیل راهیسې په غزه او اشغال شوې لوېدیځه غاړه کې ۱۱ زره او یو زدهکوونکي شهیدان او ۱۷ زره او ۷۷۲ نور ټپیان شوي دي.
د یاد وزارت د اټکل له مخې، په غزه تړانګه کې ۱۰ زره او ۸۸۸ زدهکوونکي شهیدان او ۱۷ زره او ۲۲۴ نور ټپیان شوي، حال دا چې په اشغال شوې لوېدیځه غاړه کې ۱۱۳ زدهکوونکي شهیدان، ۵۴۸ ټپيان او ۴۲۹ نور بندي او نیول شوي دي.
صهیونیستي اشغالګرو غزه کې خپلو بریدونو او وحشتونو ته دوام ورکړی، چې له امله یې هره ورځ لسګونه فلسطینیان قرباني کېږي.
د فلسطین د روغتیا وزارت د معلوماتو له مخې، پر غزه د صهیونیستي رژیم د بریدونو له پیل راهیسې لږ تر لږه ۴۱ زره او ۲۵۲ فلسطینیان شهیدان او ۹۵ زره او ۴۹۷ نور ټپیان شوي دي.