د ریاست الوزرا اداري مرستیال مولوي عبدالسلام حنفي په مشرۍ د کډوالو ستونزو ته د رسیدنې عالي کمېسیون غونډه د یاد کمېسیون د غړو په شتون کې ترسره شوه.
د یادې غونډې په پیل کې د کډوالو ستونزو ته د رسیدنې عالي کمېسیون د کمېټو فعالیتونه، کړنې او لاسته راوړنې ارزول شوي دي.
وروسته د کارپنځونې، هغو کډوالو ته چې کورونه نلري د ځمکې د وېش، په اجاره د کرنیزو ځمکو د ورکړې او د ښارګوټو او بېرته راستنو شویو سوداګرو او پانګوالو ته د صنعتي پارکونو د جوړولو طرحې په ځانګړي ډول د یاد کمېسیون د کمېټو د طرزالعملونو په اړه خبرې شوې او په اړه یې لازم تصمیمونه نیول شوي دي.