د ریاست الوزرا سیاسي معاونیت سپېدار ماڼۍ جامع جومات کې د اسلامي امارت د ځینو مشرانو او مسولینو په ګډون د حضرت محمد ص د مبارک سیرت په اړه غونډه شوې.
په دې غونډه کې د ریاست الوزرا سیاسي مرستیال مولوي عبدالکبیر، د امر بالمعروف، نهی عن النمکر او شکایتونو اورېداو وزير شیخ محمد خالد حنفي، د حج او اوقافو وزارت مرستیال مولوي زر محمد حقاني او د سیاسي معاونیت ملکي او پوځي کارکوونکو شتون درلود.
په پيل کې شیخ محمد خالد حنفي د حضرت محمد (ص) د شخصیت روښانه کړی او ویلي يي دي؛ د پیغمبر (ص) د سیرت لوستلو سربېره د ورته غونډو جوړولو ترڅنګ اړتیا ده، چې هر مسلمان د اسلام د وروستي پیغمبر (ص) سنت عملي کړي او تر نورو د اسلام پيغام ورسوي.
نوموړي په ټولنه کې د مسلمانانو پر مسولیتونو هم خبرې کړي او زیاته کړې یې ده، د نبي کریم (ص) بشپړ او هر اړخيز شخصیت ته په کتو باید د ژوند ټولې چارې د سنتو پر اساس مخکې لاړې شي.
دغه راز مولوي زر محمد حقاني د حضرت محمد (ص) د سیرت په اړه ویلي، له نېکه مرغه اسلامي نظام په هېواد کې د نبي کریم (ص) د سنتو پر بنسټ کار کوي او ټول قوانین د اسلام په رڼا کې جوړ او توشیح کېږي.
د ښاغلي حقاني په وینا، د اسلامي امارت له بریا وروسته د منکراتو پر وړاندې جدي اقدامات شوي او ټول علما کولی شي د بحث وړ موضوګانو په اړه خپل نظرونه له اړوندو ادارو سره په مستقیم ډول شریک کړي.