د کډوالو او راستنېدونکو چارو وزارت وایي؛ د یاد وزارت مسلکی معینیت مرستیال محمد جان خدرخېل او د دعوت، ارشاد رییس د احیای صحت، جامعه افغاني، هیات ناروې او د بشری مرستو همغږې کوونکې موسسو سره د اته میلیونه ۹۷۲ زره او ۴۶۶ امریکايي ډالرو په ارزښت د همکارۍ تړونونه لاسلیک کړل.
یاد وزارت زیاتوي، د دې هوکړه لیکونو له مخې، د موسسه احیای صحت و جامعه افغاني به پینځه میلیونه ۱۰۷ زره ۸۶۵ ډالره به د اړمنو کسانو لپاره د شنو خونو جوړولو، د سرپناوو بیارغونه او جوړونه، بخارۍ، سولر، د ښوونځي رغولو او د ټولنیز مرکز په جوړولو کې مصرفوي، چې له دې څخه به ۱۳ زره ۵۰۰ کسان په کابل، پروان او لوګر ولایتونو کې، ۱۳۵ کورنۍ به په کندهار، روزګان، هلمند، زابل، نیمروز، فراه، هرات او بادغیس ولایتونو کې ګټه واخلي.
دغهراز د کډوالو لپاره د هیات ناروې موسسه به د ۶۹۷ کورنیو لپاره په ننګرهار، لغمان او کونړ ولایتونو کې درې میلیونه، ۳۲۴ زره او ۶۳۵ ډالر په نغدي مرستو، سرپناوو جوړولو په برخه کې په مصرف رسوي.
همدارنګه د بشری مرستو همغږې کوونکې موسسه به په هرات او بادغیس ولایتونو کې ۵۳۹ زره او ۹۶۹ ډالر د دوه زره ۷۰ کورنیو ته د نغدي مرستې ورکوي.