د احصايې او معلوماتو ملي اداره وايي؛ د نفوسو د احوال ثبتولو خدمتونو ریاست د روان کال په وږي میاشت کې ۱۰ زره او ۹۷۲ کسانو ته په کاغذي تذکرو کې د اصلاحاتو راوستو خدمتونه وړاندې کړي دي.
بل خوا یاد ریاست په کابل ښار کې تېره میاشت شپږ زره او ۳۱۷ هېوادوالو ته د نوې او مثنی تذکرې د وېش او کاغذي تذکرو د لغوه کولو، ۱۶ زره او ۱۲۷ تنو ته د کاغذي تذکرو د تایید خدمتونه او دوه زره او ۵۲۶ نورو کسانو ته د تذکرو اړوند غیرحضوري خدمتونه وړاندې کړي دي.
همدارنګه د نفوسو د احوال ثبتولو خدمتونو ریاست په وږي میاشت کې ۱۸ زره او ۸۲۵ کسانو ته زېږون کارتونه او د دې ترڅنګ د یاد ریاست له لارې ۴۵۳ نورو کسانو ته د مړینې پارچې هم وېشل شوي دي.
د يادولو ده، چې د احصايې او معلوماتو ملي ادارې د نفوسو د احوال ثبتولو خدمتونو رياست په حضوري او غيرحضوري ډول د کاغذي تذکرو، زېږون کارتونو او د مړينې پارچو د وېش؛ د هېواد د هوايي ډګرونو او ځمکنيو رسمي بندرونو له لارې د بهرنيو وګړو د تګ او راتګ د ثبت مسوليتونه پر غاړه لري او په يادو برخو کې هېوادوالو ته د چټکو او رڼو خدمتونو وړاندې کولو ته ژمن دی.