د ملي دفاع وزارت د وسلوال پوځ ستر درستيز لومړي مرستیال حاجي مالي خان صدیق د ۲۰۱ خالد بن وليد رض قول اردو اړوند د ننګرهار ولايت مهمندرې ولسوالۍ په مربوطاتو کې د فرضي کرښې په اوږدو کې له جوړېدونکو پوستو څخه لیدنه وکړه.
د ستر درستیز لومړي مرستیال له جوړيدونکو پوستو څخه د ليدنې پرمهال د پوستو جوړولو د قراردادي شرکت مسولينو، انجينرانو او کارکوونکو ته په اړوندو برخو کې لازمې لارښوونې وکړې.
همدا راز د ستر درستیز لومړي مرستيال هلته ميشتو مسولينو او مجاهدينو سره هم له نږدې وليدل، د هغوی ستونزې یې واورېدې او د حل ډاډ سربېره يې ورسره د هر اړخيزو همکاريو ژمنه وکړه.