د کندوز ولایت د بدني روزنې او رزش ریاست اړوند د فوټبال فدراسیون د استازولۍ له لوري د یاد ولایت مرکز کې د پینځو ولایتونو ترمنځ د فوټبال سیالۍ پیل شوې.
په دغو سیالیو کې د کندوز، بغلان، تخار، بدخشان او بامیان ولایتونو لوبډلو ګډون کړی دی، چې لومړۍ لوبه کې یې بغلان لوبډلې د درې پر یو ګول په توپیر خپلې سیالې بامیان لوبډلې ته ماتې ورکړه او د سیالیو لومړۍ بریا یې په خپل نوم کړه.
دا سیالۍ د هېواد د شمال ختیځ زون لپاره د غوره لوبډلې د ټاکلو په موخه پیل شوي دي، چې پینځه ورځې به دوام وکړي.