د کانونو او پټرولیم وزیر ملا هدایت الله بدري د یکشنبې په ورځ ۱۴۰۳/۰۷/۲۲ نېټې د ډي سډکس، اوبي، بلوت د کان کیندنې شرکتونو له استازي، د ترکېي د جراج پاشاه پوهنتون استاد پروفیسور دوکتور نور الشاهان ایلچي او د یاد پوهنتون له نورو استادانو سره په خپل کاري دفتر کې لیدنه کړې.
په دې لیدنه کې ایلچي د یاد شویو شرکتونو د فعالیتونو په اړه هر اړخیز معلومات وړاندې کړي او ویلي يي دي؛ دغه شرکتونه د انجینرانو او متخصصینو په درلودلو سره ۲۵ کلنه کاري تجربه لري، دغه راز یې د سرب او جستو، سرو زرو او مسو کانونو په برخه کې د پانګونې په موخه یې خپله لېوالتیا څرګنده کړې.
نوموړي ژمنه کړې، چې دوی د کانونو او پټرولیم وزارت د انجنیرانو د روزنې او د پوهاوي د کچې لوړولو په برخه کې پلان لري.
د کانونو او پټرولیم وزیر د هېواد په کانونو کې د پانګونې په برخه کې د دوی د لېوالتیا هرکلی کړی او د کانونو د قانون او طرزالعمل له مخې ورسره یې د همکاریو ژمنه کړې.