د الجزیري خبري شبکې د راپور له مخې تېره ورځ (پنجشنبه، د لړم ۱۰مه) د غزې په بېلابېلو برخو د اسرائیلي یرغلګرو د بریدونو له کبله ۹۵ تنه شهیدان شوي.
له دې ډلې ۱۶ تنه یې النصیرات پنډغالي کې پر دوو استوګنیزو کورنو په ترسره شویو هوایي بریدونو کې شهیدان شوي.
د غزې سربېره لبنان کې هم تېره ورځ د صهیونیستي رژیم د بریدونو په پاېله کې ۴۵ تنه شهیدان شوي، چې شپږ تنه پکې روغتیا پالان دي.
د یادونې وړ ده، چې پر غزې او لبنان د اسرائیلي یرغلګرو د بریدونو په ځواب کې د حزبالله غورځنګ له لوري توغولو شویو راکټونو د اسرائیلو شمال کې اته تنه وژلي دي.