د رياست الوزرا اداري مرستيال مولوي عبدالسلام حنفي د مختلفو ولايتونو يو شمېر علماوو، محلي مسولینو او سپين ږيرو سره لیدنه کړې.
په دې لیدنه کې علماوو او محلي مسولینو د خپلو اړوندو ولايتونو د عمومي وضعيت په اړه د رياست الوزرا اداري مرستيال ته معلومات ورکړي او د اسلامي امارت مسولينو څخه يې مدرسو، ښوونځيو، روغتيا، مواصلاتي لارو او پراختیايي چارو ته د پاملرنې غوښتنه کړې.
د رياست الوزرا اداري مرستيال علماوو، محلي مسولينو او سپين ږيرو ته د ښه راغلاست ترڅنګ ویلي؛ اسلامي امارت د امنيت ټینګښت، خلکو ته د خدمتونو وړاندې کولو او د هغوی د ژوند غوره شرايطو برابرولو ته ژمن دی.
مولوي عبدالسلام حنفي ویلي، اسلامي امارت به ستاسو غوښتنو او وړانديزونو ته د رسېدنې لپاره لازمه هڅه وکړي.