د احصایې او معلوماتو ملي اداره وایي، د شهیدانو او معلولینو چارو وزارت کې د برېښنایي پېژندپاڼو وېش څانګې له لارې د روان کال له پیل تر اوسه څلور زره او ۱۱۰ معلولو او د شهیدانو وراثینو ته برېښنایي پېژندپانې وېشل شوې دي.
د شهیدانو او معلولینو چارو وزارت کې د برېښنایي پېژندپاڼو د وېش څانګې د انسجام مدیر ذبیح الله عظیمي وايي، یادې څانګې ته په ورځني ډول شاوخوا ۷۰ کسان د برېښنایي پېژندپاڼو د ترلاسه کولو په موخه مراجعه کوي.
ښاغلی عظیمي زیاتوي، چې دا وېش څانګه معلولینو او د شهیدانو وارثینو ته د اسانتیاوو په موخه د دې وزارت دننه فعاله ده او د لا ډېرو اسانتیاوو په موخه د برېښنایي پېژندپانې د فورم ډکولو شعبه هم اړوند هېوادوالو ته خدمتونه وړاندې کوي.