د اطلاعاتو او کلتور وزارت د ځوانانو چارو مرستیال مولوي محمد یونس راشد په خپل کاري دفتر کې د افغانستان لپاره د ملګرو ملتونو د پراختیایي پروګرام (UNDP) له مسول سټیفن رودیکز سره لیدنه کړې.
په دې لیدنه کې د ځوانانو چارو مرستیال مولوي محمد یونس راشد د ملګرو ملتونو د پراختیایي پروګرام له مؤثرو فعالیتونو څخه مننه کړې او له نوموړي څخه یې غوښتي، ترڅو د ځوانانو د ظرفیت لوړونې، هغوی ته د کاري زمینو برابرولو، په ښوونیزو او تحصيلي برخو کې خپلو فعالیتونو ته لا پراختیا ورکړي.
د افغانستان لپاره د ملګرو ملتونو د پراختیایي پروګرام(UNDP) مسول سټیفن رودیکز د ځوانانو چارو له مرستیال څخه مننه کړې او ژمنه یې کړې؛ چې د افغانستان اولویتونو ته درناوی لرو او د ځوانانو د اقتصاد، مهارت لوړونې، ښوونه، تحصیل او ځینو نورو برخو کې به همکار واوسو.
د یادونې وړ ده، چې په تېرو څو میاشتو کې د ځوانانو چارو معینیت په هلو ځلو سلګونه ځوانانو ته د فریلانسینګ ترڅنګ د مسلکي زده کړو له لاري د کارموندنې په برخه کې روزنه ورکړل شوې ده او دا لړۍ لا هم دوام لري.