د اپریل ۲۵ مه د ملاریا ناروغۍ نړیواله ورځ ده.
د افغانستان د عامې روغتیا وزارت چارواکي وايي، په ۲۰۲۲ کال کې په هېواد کې تر ۱۲۵ زره ډېر کسان په دې ناروغۍ اخته شوي.
دغه ناروغي د یو ډول غوماشي په چیچلو انسانانو ته لیږدول کیږي، چې روغتياپال يې د ژغورنې له پاره د چاپېريال پر پاکۍ او خونو ته د جاليو په لګولو ټينګار کوي
روغتیايي کارپوهان وايي، د دې ناروغۍ د ډېرېدو لاملونه ولاړې اوبه، ګرمه هوا، د روغتیايي سپارښتنو په تړاو نه پوهاوی او د پاکوالي نه مراعتول دي.
د دوی په وینا، ملاریا یو له خطرناکو ویروسونو څخه دی چې د میاشو د چیچلو له لارې د انسان بدن ته داخلیږي.
د ملاریا د نړیوالې ورځې په مناسبت د عامې روغتیا وزارت وايي، په ۲۰۲۲ کال کې د دغې ناروغۍ کچه زیاته شوې وه چې د ۲۰۲۱ کال پرتله د ملاریا ناروغي ۴۵ سلنه لوړه شوې وه.
د افغانستان د عامې روغتیا وزارت ویاند وايي، تېر کال یې په هغو سیمو کې چې له دغې ناروغۍ سره مخ دي ۲ میلیونه پشه خانې وېشلې دي.
د روغتیا نړیوال سازمان په ۲۰۰۷کال کې، د ملاریا ناروغۍ د پوهاوي او کنټرول په موخه د اپریل۲۵ مه د ملاریا ناروغۍ د نړیوالې ورځې په توګه ونوموله.