د افغانستان برېښنا شرکت عمومي اجراییوي رییس ډاکټر عبدالباري عمر د ترکیې هېواد ماروېسټ ونډه وال شرکت مسولینو سره په خپل کاري دفتر کې لیدنه کړې.
په دې لیدنه کې ډاکټرعبدالباري عمر د دغه شرکت له مسولینو څخه مننه کړې او د ښه راغلاست تر څنګ یې ورته ډاډ ورکړي، چې اوس افغانستان کې د پانګونې لپاره ټول شرایط برابر او د بشپړې روڼتیا له مخې ټولې اسانتیاوې رامنځته شوې دي.
دغهراز د یاد شرکت مسولینو د افغانستان برېښنا شرکت عمومي اجراییوي رییس سره د برېښنا تولید او وېش نوې ټیکنالوژۍ په اړه خبرې کړي او پانګونې ته یې لیوالتیا ښودلې ده.
ډاکټر عبدالباري عمر د یاد ترکي شرکت مسولینو ته ډاډ ورکړي، چې د دوی تخنیکي څېړنو او ارزونو لپاره به ورته هر ډول اسانتیاوې د افغانستان برېښنا شرکت له لورې رامنځته شي.
د یادونې وړ ده، چې هېواد کې د برېښنا تولید برخو کې د پانګونې او شته فرصتونو پېژندنې ملي کانفرانس له جوړیدو راهیسې ګڼو نړیوالو او ملي پانګوالو پانګونې ته لیوالتیا ښودلې، چې ځینو سره یې د همکارۍ تړونونه هم لاسلیک شوي دي.