د عامې ورغتیا وزارت وايي، د پولیو له منځه وړلو ملي بېړني عملیاتي مرکز رییس ډاکټر عبدالقدوس بریالي د ګیټس بنسټ د پولیو برخې له مرستیال مایکل ګالوې سره په خپل دفتر کې ناسته وکړه.
یاد وزارت زیاتوي، په دې ناسته کې کې د پولیو واکسین روانو کمپاینونو او اړوندو ستراتېژیو موضوعاتو په اړه بحث وشو.
همداراز ناسته کې دواړو خواوو ژمنه وکړه، چې د ۲۰۲۵ میلادي کال تر پایه به د پولیو (ګوزڼ) له منځه وړلو هدف ته ورسېږي.
دغه راز مسولینو وویل، له پولیو سره په نړیواله مبارزه کې دا یو مهم ګام دی او موږ ویاړو چې د دغه ماموریت برخه یو.