کوالالمپور کې د افغانستان اسلامي امارت لوی سفیر نقیب الله احمدي د مالیزیا د کرنې وزارت اړوند د زراعتي بازار موندنې فدرالي ادارې له عمومي رییس آمین الدین ذولکفلي سره لیدنه کړې.
په دې لیدنه کې د افغانستان او مالیزیا ترمنځ د کرنیزو تولیداتو په برخه کې د سوداګرۍ په پراختیا او ګڼو نورو اړونده موضوعاتو خبرې شوې دي.
همداراز د افغانستان او مالیزیا ترمنځ د کرنیزو تولیداتو په برخه کې د سوداګرۍ په پراختیا خبرې او په راتلونکي کې افغاني تازه او وچې مېوې ته په مالیزیا کې د بازار موندنې په موخه هم بحث شوی دی.
مقابل لوري هیله څرګنده کړې، چې لېواله دي ترڅو افغاني تولیدات په ځانګړي ډول وچه او تازه مېوه، چې ښه کیفیت لري، مالیزیا کې ښه بازار ومومي او له افغانستان سره په دې برخه کې سوداګریز تعاملات ولري.
د یادونې وړ ده، چې د کرنې وزارت اړوند دغه اداره، د مالیزیا د داخلي سوداګرو او بهرنیو سوداګرو ترمنځ د هماهنګۍ ترڅنګ ګڼو نورو اړونده برخو کې هم تسهیلات برابروي.