د ملي پراختیا شرکت مسوولین وايي، د قوش تېپې کانال د دویم فاز د کېندنې چارې په منظم ډول سره پر مخ روانې دي.
د ملي پراختیا شرکت ویاند نبي الله ارغنديوال وايي، د دې کانال د دویم فاز چاري ۸۷ سلنه چارې بشپړې شوې دي.
ورته مهال اقتصادي شنونکي قوش تېپه د افغانستان د خلکو د ابادۍ هیله بولي او وایي چې د دې پروژې په بشپړېدو سره به افغانستان په کرنیزه برخه کې په پرځان بسیا شي.
د ملي پراختیا شرکت مسولین زیاتوي، د قوش تېپې کال د کیندنې ترڅنګ په یاد کانال د مزار حیرتان پل او ریل پټلۍ د چارو له بشپړېدو سربېره د اوو پلونو چارې عملا روانې دي او په نږدې راتلونکې کې به د نورو هغو چارې هم پیل کړي.