د افغانستان د ساحلي فوټبال ملي لوبډله د ۲۰۲۵ م کال اسيا ملتونو جام سياليو او یادو سياليو ته په تمريناتي کمپ کې د ګډون په موخه نن سهار ټايلنډ هېواد ته روانه شوه.
د دې لوبډلې د خدای پامانۍ په مراسمو کې د فوټبال ملي فدارسيون ریيس محمد يوسف کارګر، د ورزش ادارې او فوټبال فدارسيون فني او مسلکي مرستيال حافظ احمد جان ځدارڼ، د ساحلي فوټبال د کمېټې مسول سيد داوود شاه مرتضوي او له یادې لوبډلې سره تلونکي هیئت شتون درلود.
په دغو مراسمو کې د فوټبال فدراسيون د رهبري له لوري د ساحلي فوټبال ملي لوبډلې ته لازمې لارښوونې او ورته په يادو مهمو سياليو کې د بريا هيله او دعا وشوه.
د ساحلي فوټبال اسيا ملتونو جام سيالۍ ۲۰۲۵ م د روان ميلادي کال د مارچ مياشتې پر ۲۰ مه نېټه د ټايلنډ هېواد په کوربتوب پيليږي، چې افغانستان په (C) ګروپ کې د ايران، متحده عربي امارات او اندوينزيا له ساحلي لوبډلو سره سيالۍ لري.